GALDERAK: ABIATU GARA ARAMAIOTIK

"Galderak" jada errealitatea da antzerki lan bezala. Aramaioko Kultura Etxeko antzeztokira igo ginen lehengo larunbatean -maiatzaren azken eguna- eta gustura aritu ginen publiko zabal baten aurrean.

                                                                                                                         Hamargarren urtemuga ospatzeari modurik

hoberenean ekin genion: antzezten. Horixe izan baita azken hamarkadako gure helburua eta ez beste ezer.                               

Euskal herri antzerkiari aletxo berri bat eskaintzen ari gatzaizkio

  Modu zuzenean

    Duintasunetik




  



 BIDEAN SEGITZEN   DUGU

HURRENGO EMANALDIAK 

http://dokeantzerkitaldea.blogspot.com.es/2014/11/galderak-abenduan_27.html

 

HAMAR URTEKO HISTORIA

DOKE ANTZERKI TALDEAren historia txiki bat azaldu da gaur “Hots begi danbolinak” blogean. Hamar urteko ibilbidea burutua, erronka berrietarako prestatzen ari gara, betiko jarrera apaletik: euskal herri antzerkia bultzatu nahi dugu. 

Hasi ginenetik helburu berdinak mugiarazi gaitu eta gure taldetik igaro diren kide guztiok izpiritu horrekin jardun dugu.   

Txoko honetatik, hamar urte hauetan gurekin modu batean edo bestean egon zaretenoi: eskerrik asko. Bidean topo egiten segituko dugu.

Hona hemen historia irakurtzeko helbidea: 

 

http://txemax3.blogspot.com.es/2014/05/doke-antzerki-taldea-hamar-urte.html

GALDERAK

Doke Antzerki Taldearen (DAT) hamargarren urtemuga ospatu nahian dokekideek taula gainera eramango dute 2014an obra berri bat. GALDERAK da lan berria eta maiatzaren 31an eskainiko dute lehen aldiz Aramaioko Kultura Etxean

"Eskuak elkarri" 2004

Hamar urte eman dira, Arrasateko Amaia Antzokian Doke Antzerki Taldea (DAT) izango zenaren lagunak “Eskuak Elkarri” antzezlan musikatua eskaintzeko abentura artistikoan enbarkatu zirenetik. Ordu asko korritu dira egun hartatik eta DATek Euskal Herriko antzeztokiak ezagutu ditu, bere lanaren bitartez.

GALDERAK obra honekin, euskal antzerkiaren ekoizpenari bultzadatxo berri bat eskaini nahi diote DATetik.

Egunero edozein une eta tokitan berez sortzen diren galdera bitxi, arraro eta,  batzuetan, ergelen inguruan garatzen du obrak ardatz nagusia. Nork berak galderen planteamendutik bizitzari eskaintzen dion erantzuna da obraren  haria, binomioen araberako etenik gabeko prozesuan.

Doke Antzerki Taldearen orain arteko ibilbideari eutsi nahi izan zaio oraingoan ere eta paradoxetan sartuta, umorezko klabea ahalbidetzen zaio antzezpeneko entramatuari.

Josemari Velez de Mendizabal dokekideak idatzi du GALDERAK. Itziar Rekalde da berriz ere ekoizpenaren zuzendaria. Eta honako hauek ditugu oraingo antzezleak: Arantza Ezkurrra, Mikel Irastorza, Mariasun Pagoaga, Itziar Rosado, Marga Mercader, Dorita Murgia, Mikel Dominguez, Josemari Velez de Mendizabal.  

Argiztapeneko teknikaria Fernando Martinez de Eredita da eta ekoizpen berri honetarako kartelaren egilea Eneritz Tirados.

Aramaion izango da, beraz, aurreneko emanaldia, maiatzaren 31an, arratsaldeko 8etan.

MARIASUN PAGOAGAREN SEIGARRENA

Berak parte hartutako beste bi pelikula oraindik estreinatu gabe direnean, errodaje berri batean sartuko da Mariasun Pagoaga, Doke Antzerki Taldeko kidea, datorren hilean. Aktoresa agertuko den seigarren pelikula izango da. 

“Lasa eta Zabala” izango du titulua film berriak eta, suposa daitekeen bezala, Jose Antonio Lasa eta  Jose Ignazio Zabala gazteen inguruko tragedia izango da ardatz nagusia. GALek buruturiko bahiketa eta hilketa deskribatuko du eta Pablo Malo zuzendariak istorio errealista eskaini nahi du eta ez on eta gaiztoen kontrako pelikula horietakoa. 

Lasaren ama izango da Mariasun pelikulan eta sei egunetako errodajea egokitu zaio. Otsail eta Martxoko hiruna egunetan zuzendari donostiarraren aginduetara jarriko da, bi hizkuntzak erabiliko diren zinta honetan, beti bezala, bere onena eskaintzeko. 

 Mariasun Pagoagaren orain arteko filmografia honako hauxe da:  “80 egunean” (2009) “Bi anai” (2010)  “El precio de la libertad” (2011) “Loreak ” (2013)  "Tres mentiras" (2013) “Lasa eta Zabala” (2014)  Bestalde Goenkale telesaioan ere ikusi ahal izan dugu DATeko kidea. Pelikuletako azken biak oraindik estreinatu gabe daude baina pantaila handira laster iritsiko direla baieztatu digu.

Zorionak Mariasun!

Aurreko informazioa:

http://dokeantzerkitaldea.blogspot.com.es/2013/07/mari-asun-pagoaga-dateko-kideak-beste.html

Argazkiak: Mariasun Pagoaga 

 

PORTALOI TALDEAREKIN KANTUKA

Legutioko urtegia

Hiru urte jarraian hartu du esku DOKE ANTZERKI TALDEAK, Arrasateko Portaloi Kantu taldeak gonbidatua, GABON KANTALDIA izeneko emanaldian. Duela bi urte Otxandion, iaz Aramaion eta aurten Legution izan da.

Abenduaren 21ean izan zen emanaldia, Legutioko elizan eta giro aparta bizi izan zen bertan, tenplua lepoz beteta eta barruko hotza abeslarien ahotsen berotasunez gaindituta. Lau abesti eskaini zuen Portaloi Taldeak eta horietako bat, Pedro Ignazio de Barrutiaren "Actto para la Noche Buena" antzezlaneko gabon kanta izan zen. DATek 2006an estreinatu zuen kanta hau, Sabin Salaberrik musikatua, eta Euskal Herriko hainbat eszenatokitan eskaini zuen.

Legution grabatutako bideoetako bat da honako hau, Barrutia/Salaberriren GAUR DALA GABON GAUA kantarekin:

http://youtu.be/WK1wDH6TB10

HAMAR URTE 2014an

Atzean utzi dugu 2013 urtea eta 2014rako planak egiten ari gara, munduko gainerako bizidunok bezalaxe. Hamar urte beteko ditugu 2014an eta modu espezialean ospatu nahi genuke. Ia lortzen dugun. Guregatik ez da emankizunik faltako. 

Antzeztokitik agurtzen zaitugun bitartean, har ezazu gure diosalik beroena.

365 EGUNETAN EUSKARAREKIN

Euskararen Naziorteko Eguna dela eta, DOKE ANTZERKI TALDEAk ere erakutsi nahi izan du bere atxikimendua ekimen honetarako. Konbentzituta, gainera, euskarak EGUN asko behar dituela, behar bezalako bidea burutuko bada.

Euskaltzale guztiokin bat eginda, aurrera jo dezagun,   gogoratuz, arrasatearrok giltzarekin izan dugula harreman estua hamarkadetan; eta euskararekin, mendetan.

Beraz, 

DOKE ANTZERKI TALDEA euskararekin, 365 egunetan