DOKE ANTZERKI
TALDEAk esku hartuko du, Aramaioko Udalak herriko hiru Urrezko Zeledoiekin,
aste buru honetarako prestatutako egitarau zabalean. Larunbatean, hilak 10, arituko da taldea.
DATeko kidea den
Josemari Velez de Mendizabal lagunaz gain, Rafa Mendialdua eta Sabin Salaberri
dira beste bi aramaioarrak, Gasteiz hiriaren saririk herrikoiena den Urrezko
Zeledoia golardoa jaso dutenak. Eta Udalak hiru herritarren ekarpenaz zenbait ekitaldi
antolatu ditu. Horietako batean DATak “Galderak” bere azken lana antzeztuko du.
 |
| Taldea, Sabin Salaberrirekin, 2008an |
Sabin Salaberrik harreman
zuzena izan du DATarekin, berak konposatu baitzuen taldearen aurreneko bi
antzezlanetarako musika: “Eskuak elkarri” (2004) eta “Actto para la Nochebuena”
(2006)
Larunbateko emanaldia, Aramaioko Antzokian izango da,
arratsaldeko, 8etan.
Sarrerak doan izango dira eta azkenetako aukera izango da obra hau ikusteko,
otsailean DATa beste obra baten prestaketan sartuko baita.
Bilboko Teatro Arriagan, urtarrilaren 26an izango den emanaldirako sortutako ikusmina asetzearren DATek autobuz bat antolatu du. Autobusa Aramaiotik aterako da eta geldialdi bat egingo du Arrasaten, herri honetako bidaiariak hartzeko.Interesatuak jadanik egin dezake erreserba. Plazak mugatuta daude, autobusaren kapazitatera.
