DONOSTIAN LARUNBATEAN, OTSAILAK 2

Hamaika amaren seme (alaba) obra Donostiara heltzen da, larunbat honetan, otsailak 2. Antzoki Zaharrean arituko da Doke Antzerki Taldea, arratsaldeko 7´30etan.

Urtarrilaren 26an Bilboko Arriaga Antzokian eskaini ondoren, Gipuzkoako hiriburura ailegatzen da, Eusko Ikaskuntzaren mendeurrena ospatzeko ekoizturiko antzezlana. Josemari Velez de Mendizabalen testu baten gainean Vene Herrero zuzendariak Eusko Ikaskuntzaren historia azaltzen du modu erakargarrian. Eusko Ikaskuntza eta Euskal Herriaren historiak paraleloak joan dira azken ehun urteotan eta horixe islatzen da, 65 minutu inguruko antzezlan honetan zehar.

Hona hemen obraren fitxa teknikoa:

Testuaren egilea: Josemari Velez de Mendizabal

Zuzendari artistikoa: Vene Herrero

Musika egile eta egokitzailea: Sabin Salaberri
Zuzendari musikala: Larraitz Arriolabengoa 
Eszenografia eta kartela: Iñigo Arregi

Argitzapena: Alaine Arzoz 
Piano jolea: Idoia Asurmendi 
Txalapartariak:Jesus Larrañaga eta Jose Luis Zalakain 

Dokekideak: Mariasun Pagoaga, Maider Alzelay, Xabi Latorre, Izaro Aretxaga, Miren Aretxaga, Miren Altuna, Larraitz Arriolabengoa, Teresa Arriolabengoa, Idoia Asurmendi, Leire Elejalde, Maia Villalba.  

Obraren ekoizlea: Eusko Ikaskuntza

Ekoizpenaren arduraduna: Doke Antzerki Taldea

GONBIDAPENAK

Eusko Ikaskuntzaren bulegoetan

Miramar Jauregia. Miraconcha, 48

20007 - DONOSTIA

943 310 855

 ei-sev@eusko-ikaskuntza.eus

 Argazkiak: Doke Antzerki Taldea

ARRIAGA ANTZOKIAN: URTARRILAK 26

Iruñetik pasatu ondoren, Bilbora doa DOKE ANTZERKI TALDEA Hamaika amaren seme (alaba) obra eskaintzera. Non eta Bizkaiko hiriburuko Arriaga Antzokian. Hantxe arituko dira dokekideak urtarrilaren 26an, arratsaldeko 7´30etan, ikusmira handia eragin duen ekitaldian. 

Sarrerak salgai daude internet bidez eta, gainera, autobus bat antolatu da, emanaldia ikusi nahi dutenak Bilbora eramateko. Autobusa Aramaiotik aterako da arratsaldeko 4etan, eta ordu erdi geroago, Arrasateko bidaiariak jaso ondoren, Bilborantz abiatuko da. Autobuserako izena eman nahi duenak bidal dezala mezu bat ondoko helbidera:

dokeantzerkitaldea@gmail.com

DOKE IRUÑEAN, LARUNBATEAN

Datorren larunbatean, hilak 12,  Nafarroako hiriburuan arituko da Doke Antzerki Taldea, Civivox Iturramako antzokian, arratsaldeko 7´30etan. Oraingo honekin Hamaika amaren seme(alaba) obrarekin taldearen bigarren aldiari ekiten diote.

Taldekideak oso ilusio handiarekin ari dira entseguetan, Euskal Herriko zenbait eszenategitara eramango duen bira honen aurrean. Iruñekoaren ostean, Bilbo, Donostia eta Gasteiz etorriko dira.

Ondoren, Iruñeko Diario de Navarra egunkariak, atzo igandez eta Ion Stegmeier kazetari arrasatearraren lumari esker, argitaratutako elkarrizketa aldatzen da:

Beraz, hurrengo hitzordua Iruñean da, larunbatean, arratsaldeko 7´30etan. Non? Civivox Iturramako antzokian.

HAMAIKA AMAREN SEME (ALABA). ESZENOGRAFIA

"Hamaika amaren seme (alaba)" antzezlanaren prestaketa ez da bat ere erreza izan. Eszenografia izan dugu arlorik konplikatuenetakoa teknikaren aldetik, izan ere eszenategian egitura metalikoa gertutzea erabaki zenean, hura nork diseina zezakeen galdezka hasi ginen, Vene Herreroren baitan zegoen ideiari eite ematen hasteko. Baina zer egitura metalikoa eta nola diseinatu? Gregorio Gallego injinadorearengana jo genuen eta aurreneko zirriborroak sortu zituen.

Gregorioren eskemarekin Arrasateko galdategi bat hautatu genuen eta hilabete batean bagenuen Gallegoren eskema errealitate metalikoa bihurtuta.

Gero Iñigo Arregi eskulturgilearengana jo genuen, egitura hura nola jantz genezakeen galdezka. Iñigo bete-betean sartu zen DATen ideian eta sortze-prozesuari ekin zion. Aurreneko maketa aurkeztu zigun.

Ideia biziki gustatu zitzaigun eta Iñigo lanean murgildu zen, guztiz. Bere tailerean preparatu zituen, gero Arizmendi ikastolako behealdera eramango zituenak, azken ukitua emateko.

Eta ikastolako lokaletik, Amaia antzokira, eszenategian nola geratzen zen ikusteko. Eta emaitza honako hauxe izan zen:

 

Ikusgarria!

Iñigo Arregik berak ere, obraren dibulgaziorako erabilitako kartelaren egilea dugu.

AUTOBUSA BILBORA

Bilboko Teatro Arriagan, urtarrilaren 26an izango den emanaldirako sortutako ikusmina asetzearren DATek autobuz bat antolatu du. Autobusa Aramaiotik aterako da eta geldialdi bat egingo du Arrasaten, herri honetako bidaiariak hartzeko.Interesatuak jadanik egin dezake erreserba. Plazak mugatuta daude, autobusaren kapazitatera.

 

JAI ZORIONTSUAK ETA 2019 ON!

Aurtengo emanaldiak bukatu ditugu eta orain atsedentxo bat hartzera goaz. Urtarrilean berriro aterako gara eszenategietara.

Gure desiorik onenak jai hauetarako eta 2019 urte osorako ere.

HAMAIKA AMAREN SEME (ALABA) ARAMAION, HILAK 16an

Hamaika amaren seme (alaba) Aramaiora iristen da abenduaren 16an. DATek azaroaren 23an estreinatu zuen Oñatin, Arrasatetik igaro zen abenduaren 2an eta orain hirugarren antzokian aurkeztuko du.

Aramaioko herriak protagonismo hartzen du antzezlan honen ekoizpenean.  Eszenategian ari diren hamairu pertsonetatik hamar aramaioxarrak dira. Baita obraren egilea bera eta musika egokitzailea. Entseguei ere Aramaioko antzokian ekin zitzaien, hain zuzen hilak 16an emanaldia izango den toki bertsuan. Beraz, esan daiteke Aramaiok ekarpen polita egin diola Eusko Ikaskuntzaren Mendeurrenari.

Aramaiok xarma berezia du Dokeko kideentzat, 2005ean hautatu baitzuten herri horretako antzokia euren entsegu orokorretako toki, Aramaioko Udalaren eskuzabaltasunari esker. Barrutiaren "Actto para la Noche Buena" izan zen Aramaion prestatu zen lehena, eta esan daiteke herria eta DATen arteko armoniak gaur eguneko fruitua eman duela. Ez da marka makala, ohiko dokekide esperientziadunei gazte berri andana bat gehitzea oraingo antzezlan honetarako.

Modu bereziz eskertu nahi dio DATek Aramaioko Udalari orain arteko laguntza guztiengatik.

Hitzordua, beraz, abenduaren 16an, Aramaioko Kultura Etxean, arratsaldeko 19´30etan

Argazkiak: DAT