22 urte eman dira, eta orain geldiune bat
hartu nahi izan dugu, atzera begira jartzeko, egindakoaren testigantza
finkatzeko... eta aurrerako indarra hartzeko. 22; partidua amaitu dela esan liteke... baina badira 45etara jokatzen diren
partiduak eta badira ere partidu berriak hasteko aukera. Horretan gaude.
Historiari begira jarriko bagina eta niri dagokidanez, ACTTO PARA LA NOCHE
BUENA aipatuko nuke, bera izan baitzen ni tiratu ninduen obra. Nork esango
zidan niri, iragan mendeko laurogei eta laurogeita hamarretan aldarrikatzen
nuen antzerki taldea niri egokituko zitzaidala sortzea.
Arrasateko antzerki tradizio apurrari jarraipen sendo eta indartsua Doke Antzerki Taldeak emango
zion, hain zuzen kintokide nuen Jesus Mari Arzek obra bat idaztea eskatu
zidanean. Eskatu, idatzi, konbentzitu emakume eta gizonezko batzuk... eta horra
hor Doke Antzerki Taldea 2002an.
Eskuak elkarri: titulu esanguratsua, elkarrekin egin nahi baikenuen bidea.
Eszenategi honetan aritu ginen hiru egunez 2004an. Gero, Actto para la Noche Buena, Iragana iragan, Paradisuko atean, Galderak,
Aingeru ala kurriloi, Hamaika amaren seme (alaba) eta, oraingoa, Hemen ez du
inork ordaintzen.
Egundoko esfortzua, gustura burutua antzerkiz maiteminduta baikinen eta gara.
Gure ahaleginak fruitu ederrak eman ditu, etorkizunak bermatzen duena... orain
arteko saiakerak intentsitate berdinarekin jarraitzen badu. Eta hau,
bakar-bakarrik, ekimen pribatua eta laguntza publikoa ados jarriz gero lortzen
da. Euskal talde batek babes osoa behar du: ezin dakioke ukatu... batez ere 22
urte badaramatza Euskal Herriko antzokiz antzoki euskal kulturari goi mailako
ekarpena ahalbidetuz.
Gure liburuak horixe erakutsi nahi du. Izan ginela, garela eta jarraitu nahi
dugula izaten. Ez dugu aitortza publikorik bilatzen (kalterik egingo ez
ligukeena, baina badakigu ez garela kirolariak); ez, ez dugu hori bilatzen
baizik euskal kulturaren garapenean jo eta ke ari den Doke Antzerki Taldearentzat begirune eta
babesa.
Eta Doke Antzerki Taldearen merituaz zalantzarik eduki lezakeenak irakur dezala liburua, eta
liburuaren bitartez sar dadila obra guztietako bideoak ikustera. Eta gero hitz
egingo dugu.
Eskerrik asko lagunok!! (1)
(1) Josemari Velez de Mendizabalen hitzak, liburuaren aurkezpenerako
Argazkiak: BELUN
1.jpg)
%202.JPG)
%20a.jpg)
%202.jpg)
.jpg)
.JPG)
