ESTREINUA ARAMAION, MAIATZAK 7an

Lau antzezleak

Maiatzaren 7an Doke Antzerki Taldeak bere obra berria estreinatuko du Aramaion. "Aingeru ala kurriloi?" antzezlana lau taldekidek prestatu dute Vene Herreroren zuzendaritzapean.

Obrako kartela

Taldekidea ere den Josemari Velez de Mendizabalek idatzi du testua. Hiru ahizpa eta loba baten arteko gorabeherak islatzen ditu, iragan mendeko erdialdean koka litekeen istorio harrigarri batean.

Arrasate eta Aramaioko udalen laguntzaz ekoiztu ahal izan duten obra hau taldearen zazpigarrena da 2004an lehen aldiz aritu zirenetik.

Entsegu bateko irudia

Aramaioko emanaldi honekin DATek irekitzen du zirkuitua, Euskal Herriko zenbait antzeztokitatik eramango duena. Maiatza-Ekaina bi hiletan arituko dira udako etenaldiaren aurretik. Urrian ostera aterako dira eszenategietara, sei bat hilabetez eskaini nahi duten obra honekin.

Aramaioko emanaldia maiatzaren 7an izango da, arratsaldeko 8etan, herriko Kultura Etxean.

Fitxa teknikoa

Testua: Josemari Velez de Mendizabal

Zuzendaria: Vene Herrero

Antzezleak: Mariasun Pagoaga, Arantza Ezkurra, Maider Alzelay, Dorita Murgia.

Argiztapena: Fernando Martinez de Eredita
Kartelaren diseinua: Eneritz Tirados

Iraupena: 75´

Informazio gehiago:
http://dokeantzerkitaldea.blogspot.com.es/2016/04/aingeru-ala-kurriloi-dokeren-obra-berria.html

Oharra: Maiatzak 13an ARETXABALETAN arituko da taldea.